Rhinostop® tableta

Δ RHINOSTOP®

251 mg/61,2 mg/2,54 mg tabletë

paracetamol/pseudoefedrin/klorfenamin

Lexoni me kujdes këtë udhëzues sepse përmban informacione të rëndësishme për ju!

Ky medikament mund të blihet pa recetë. Eshë e nevojshme që ti përmbaheni këtij udhëzuesi në mënyrë që të arrini rezultatin më të mirë nga përdorimi i këtij ilaçi. Udhëzuesin ruajeni. Mbase do të keni nevojë ta lexoni përsëri. Drejtohuni mjekut ose farmacistit nëse keni pyetje shtesë.

 

 

 Në këtë udhëzues mund të lexoni:

Ilaçi RHINOSTOP® tableta përmban tre përbërës aktiv – paracetamol, pseudoefedrinë dhe klorfenaminë, efektet e të cilëve plotësojnë njëri-tjetrin.

Paracetamol lehtëson dhimbjen dhe ulë temperaturën e lartë të trupit.

Pseudoefedrina është një dekongjestiv nazal . Ka efekt në enët e vogla të gjakut në mukozën e hundës duke shkaktuar ngushtimin e tyre, dhe keshtu pengon hipersekrecionin nga hunda dhe zbutjen e simptomave të inflamacionit të mukozës së hundës dhe sinuseve.

Klorfenamina me efektin e saj antihistaminik zvogëlon bllokimin e hundës, lehtëson simptomat e rrjedhjes nga hundët, lotimin dhe djegien e syve.

RHINOSTOP® tableta përdoret për lehtësimin e simptomave të ftohjes, gripit dhe rintitit alergjik, të tilla si:

  • hipersekrecion nga hunda
  • teshtimat,
  • bllokimi i hundës dhe sinuseve,
  • skuqje e hundeve       dhe syve
  • ndjesia e djegies dhe lotimi i syve,
  • dhimbje koke,
  • dhimbje në pjesën e sinuseve,
  • dhimbje fyti,
  • dhimbje muskujsh dhe kyçesh,
  • temperaturë e ngritur,
  • lodhje e përgjithshme etj.

Personat e rritur mund të përdorin RHINOSTOP® tabl. gjithashtu në aspektin e indikacioneve të lartpërmëndur.

Paralajmëroni mjekun nëse jeni duke përdorur ilaçe të tjera, nëse keni ndonjë sëmundje kronike, ndonjë çrregullim metabolik, nëse jeni të ndjeshëm ndaj ilaçeve ose nëse keni patur ndonjë reaksion alergjk në ndonjërin prej tyre.

Mos përdorni ilaçin RHINOSTOP® tableta:

  • nëse jeni alergjik (shumë të ndjeshëm) nga përbërisit aktivë dhe/ose nga përbërësit e tjerë të ilaçit (shikoni pjesën 6),
  • nëse vuani nga sëmundjet e rënda të arterieve koronare (të zemrës),
  • nëse keni tension shumë të lartë të gjakut,
  • nëse jeni duke marrë ilaçe që përdoren për trajtmin e depresionit, që quhen inhibitorët monoaminoksidase (MAO Is), dmth mos përdorni medikamentin RHINOSTOP® pa kaluar 14 ditë nga përfundimi i përdorimit të inhibitorëve MAO
  • nësë keni të dëmtuar rëndë funksionet e e mëlçisë,
  • nëse keni të dëmtuar rëndë funksionet e veshkave,
  • nëse keni diabet,
  • nëse keni feokromocitomë (tumor të gjëndrrave mbiveshkore),
  • nëse keni të rritur funksionin e gjëndrrave tiroide,
  • nëse keni tension të lartë në sy.

Tregohuni të kujdesshëm me ilaçin RHINOSTOP®

Përpara fillimit të përdorimit të ilaçit RHINOSTOP® tableta, konsultoheni me mjekun tuaj nëse keni ndonjë nga gjëndjet e mëposhtme:

  • bllokim të enëve të gjakut,
  • funksion të parregullt të zemrës dhe /ose sëmundjen ishemike të zemrës (sëmundja e arterieve të zemrës),
  • tension të lartë gjaku,
  • astmë,
  • demtim të funksionit të mëlçisë dhe dëmtim të mësëm deri të rëndë të funksionit të veshkave,
  • bllokim të kanaleve biliare dhe të qafës së fshikëzës së urinës,
  • ngushtim të sistemit tretës (obstrukcion piloroduodenal),
  • ulçer në stomak ose në zorrën dymbëdhjetë gishtore,
  • zmadhim të prostatës,
  • epilepsi.

Gjatë përdorimit të RHINOSTOP® tableta, mos përdorni ilaçe të tjera që përmbajnë paracetamol ose medikamente që përdoren për lehtësimin e kongjestionit të mukozës së hundës (blllokimi i hundës).

Nëse gjëndja nuk përmirësohet (më shumë se tre ditë ethe, nëse dhimbjet dhe bllokimi i hundës zgjasin më gjatë se 7 ditë), është e rëndësishme të konsultoheni me mjekun tuaj.

Marrja e ilaçeve të tjera gjatë përdorimit të RHINOSTOP®

Kini parasysh se ky informacion vlen edhe për ilaçet që nuk i përdorni më gjithashtu dhe për ilaçet që planifikoni të përdorni në të ardhmen. Informoni mjekun tuaj nëse jeni duke përdorur ndonjë ilaç ose nëse keni përdorur kohët e fundit ndonjë ilaç, duke përfshirë këtu dhe ilaçet që blihen pa recetë të mjekut.

Konsultohuni me mjekun tuaj ose me farmacistin përpara përdorimit të RHINOSTOP® tableta, nëse jeni duke përdorur një nga ilaçet e mëposhtme:

  • antidepresantë (ilaçe për të trajtuar depresionin – MAO inhibitorë ose andidepresantët triciklikë),
  • anksiolitikë dhe hipnotikë (ilaçe për qetësim),
  • antihipertenzivë (ilaçe për uljen e tensionit të gjakut) dhe diuretikë (ilaçe për urinim),
  • antibiotikë (izoniazid, kloramfenikol),
  • karbamazepinë, fenitoinë, lamotriginë (ilaçe që përdoren për trajtimin e epilepsisë),
  • propantelinë (ilaçi antimuskarinik që ngadalëson zbrazjen e stomakut),
  • metoklopramid dhe cisaprid (ilaçe që shpejtojnë zbrazjen e stomakut),
  • ergotaminë (ilaç për kurimin e migrenës dhe për parandalimin dhe trajtimin e gjakderdhjes nga mitra) ose derivatet e tij, duke përfshirë këtu metisergid (ilaç për trajtimin e migrenës),
  • sulfinpirazonë (ilaç që përdoret për trajtimin e Giht),
  • digoksinë (ilaç për zemrën),
  • varfarinë (ilaç që parandalon mpiksjen e gjakut),
  • zidovudinë dhe lopinavir (ilaçe që përdoren për trajtimn e infeksionit HIV– AIDS).

 

Përdorimi i ushqimeve dhe pijeve me RHINOSTOP®

Nuk lejohet konsumimi i alkoolit gjatë kohës që përdorni ilaçin RHINOSTOP® tableta.

Shtatëzania dhe ushqyerja me gji

Këshillohuni me mjekun tuaj ose me farmacistin para filllimit të përdorimit të ndonjë ilaçi.

Shtatëzania

Siguria e përdorimit të medikamentit RHINOSTOP® tableta tek gratë shtatëzëna nuk është e konfirmuar. Ky ilaç mund të përdoret gjatë shtatëzanisë vetëm nëse mjeku juaj e konsideron të nevojshëm, pasi ka vlerësuar me kujdes përfitimet për nënën dhe rrezikun për fetusin. Kohëzgjatja e përdorimit të ilaçit gjatë shtatëzanisë duhet të jetë sa ma e shkurtër që është e mundur

Gjidhënia

Disa përbërës të këtij medikamenti mund të kalojnë në qumështin e gjirit, dhe në këtë mënyrë mund të shkaktojnë efekte negative te foshnjat. Nëse ushqeni me gji foshnjen tuaj dhe nëse mendoni që duhet të përdorni ilaçin RHINOSTOP®, mos filloni përdormin e tij pa u konsultuar me mjekun tuaj.

Drejtimi i automjeteve dhe përdorimi i makinerive

Δ Trigonik, ilaç me efekt të mundshëm në aftësitë psikofizike (duhet të keni kujdes në drejtimin e automjeteve dhe përdorimin e makinerive).

Ilaçi mund të shkaktojë përgjumje dhe kështu mund të reduktojë aftësitë tuaja psikofizike, prandaj duhet të keni kujdes të veçantë në drejtimin e automjeteve dhe /ose përdorimin e makinerive. Përdorimi i alkoolit në të njëjtën kohë me ilaçin mund të rrisë këtë efekt.

Nëse ndjeni lodhje ose përgjumje, mos drejtoni automjete dhe mos përdorni makineri.

 

Paralajmërime të tjera

Ilaçi RHINOSTOP® tableta përmban laktozë (lloj sheqeri).

Nëse vuani nga sëmundja e intolerancës ndaj sheqerit, këshillohuni me mjekun tuaj përpara se të filloni përdorimin e këtij ilaçi.

Medikamentin përdoreni duke i’u përmbajtur udhëzimeve.

Konsultohuni me mjekun ose farmacistin nëse mendoni që efekti i ilaçit është shumë i dobët ose shumë i fortë.

Mënyra e përdorimit

RHINOSTOP® tableta merren në rrugë orale (nga goja).

Dozimi

Përpara përdorimit të RHINOSTOP® tableta duhet t’i përmbaheni rekomandimeve të mëposhtme për dozimin:
Të rriturit dhe fëmijët mbi12 vjeç

1 RHINOSTOP® tabletë çdo 6 orë.

Mos merrni më shumë se 4 tableta gjatë 24 orëve.

Fëmijët e moshës nga 6 deri në 12 vjeç

  • RHINOSTOP® tableta nuk janë të destinuara për përdorin nga fëmijët më të vegjël se 12 vjeç.

Për fëmijët e moshës nga 6 deri në 12 vjeç rekomandohet përdorimi i RHINOSTOP® shurup.

  • Pacintët me funksion të dëmtuar të veshkave

Tek pacientët me funksion të dëmtuar lehtë ose mesatar të veshkave, rekomandohet që intervali kohor midis dozave të jetë 8 deri në 12 orë.

 

Përdorimi i tepruar i medikamentit RHINOSTOP®

Drejtohuni menjëherë te mjeku juaj apo farmacisti nëse keni përdorur dozë më të madhe të ilaçit se sa doza e rekomanduar!

Në rast mbidoze, drejtohuni menjëherë mjekut tuaj ose kërkoni ndihmën e shpejtë, madje edhe nëse ndiheni mirë dhe nuk keni simptoma të qarta të mbidozës, për shkak të shfaqjes se mundshme të dëmtimeve të mëvonshme të rënda të mëlçisë.

Sillni me vete paketimin e medikamentit që mjeku të dijë çfarë ilaçi keni përdorur.

Simptomat e mbidozës janë: irritim, konfuzion, ankth, të përziera, të vjella, dhimbje barku, përgjumje, haluçinacione, zgjerim të bebzës së syrit, rritje e tensionit të gjakut, përshpejtim të rrahjeve të zemrës, ngritje temperature, tharje gojë dhe skuqje te fytyrës.

Nëse keni harruar të përdorni ilaçin RHINOSTOP®

Mos merrni dozë të dyfishtë të ilaçit nëse keni harruar ta përdorni atë, por vazhdoni përdorimin si zakonisht.

Asnjëherë mos merrni dozë të dyfishtë të ilaçit për të plotësuar dozën e harruar.

Nëse ndërpreni marrjen e ilaçit RHINOSTOP®

Këtë ilaç përdoreni për aq kohë sa e keni të rekomanduar nga mjeku.

Nëse ndërpreni marrjen e këtij ilaçi përnjëherësh nuk pritet të keni asnjë efekt negativ.

Ashtu si ilaçet e tjera dhe ilaçi RHINOSTOP® tableta mund të shkaktojë efekte anësore të padëshiruara, por ato mund të mos shfaqen tek të gjithë njerëzit.

Ndërpreni menjëherë marrjen e medikamentit RHINOSTOP® tableta dhe kërkoni ndihmën e shpejtë mjekësore nëse vini re shfaqjen e urtikave në lëkurë ose nëse keni vështirësi në frymëmarrje, ënjtje të fytyrës, buzëve, gjuhës ose fytit (reaksione të rënda alergjke).

Shpeshtësia eparaqitjes së efekteve anësore është e përcaktuar si më poshtë:

  • Shumë shpesh (prek më shumë se 1 në 10 pacientë të trajtuar)
  • Shpesh (prek 1 deri në 10 nga 100 pacientë të trajtuar)
  • Jo e shpeshtë (prek 1 deri në 10 nga 1.000 pacientë të trajtuar)
  • Rrallë (prek 1 deri në 10 nga 10.000 pacientë të trajtuar)
  • Shumë rrallë (prek me pak se 1 nga 10.000 pacientë të trajtuar )
  • Shpeshtësia e panjohur (nuk mund të përcaktohet nga të dhënat e disponueshme).


Paracetamol

Shpesh

Lëkura: kruarje.

Sistemi tretës: obstipacion, të përziera, të vjella.

Sistemi nervor qëndror: dhimbje koke, pagjumësi, ankth.

 Rrallë

Sistemi i qarkullimit të gjakut: ulje të numrit të trombociteve (trombocitopeni), (reduk ulje i qelizave të bardha të gjakut (leukopeni, neutropenia).

Sistemi imunitar: reaksione të mbindjeshmërisë (skuqje lëkure, urtikaria).

Shpeshtësia e panjohur

Lëkura: infektim dhe dhimbje e mukozës (Sindorma Stevens-Johnson, nekroliza toksike epidermale).

Pseudoefedrina

Shpesh

Sistemi i enëve të gjakut dhe zemrës: rritje e tensionit të gjakut, rrahje të parregullta.zemre

Sistemi tretës: të përziera, të vjella.

Sistemi nervor qëndror: dhimbje koke, pagjumësi, ankth, nervozizëm, irritim.

Efektet e pseudoefedrinës në sistemin nervor qëndror janë më të shpeshta tek fëmijët dhe tek personat e moshuar.

Rrallë

Sistemi nervor qëndror: haluçinacione.

Lëkura: urtikarije, djersitje.

Shumë rrallë

Sytë: glaukoma me kënd të mbyllur.

Sistemi urinar: vonesë në urinim.

Klorfenamina

Shpesh

Sistemi nervor qëndror: përgjumje, dhimbje koke, reduktim të aktivitetit psikomotorik.

Sistemi tretës : obstipacion, diarre, të përziera, të vjella, tharje te gojes.

Veshët: tingëlllim i veshëve.

Sytë: Shikim i turbulluar .

Sistemi urinar: vonesë në urinim.

Rrallë

Sistemi i enëve të gjakut dhe zemrës: tensioni i ulët i gjakut, rrahje të forta zemre, rrahje të parregullta të zemrës.

Sistemi nervor qëndror dhe periferik: çrregullim i motorikës së trupit, marramendje, konfuzion, depresion, çrregullim i gjumit, dridhje, konvulsione .

Sistemi imunitar: reaksione të mbindjeshmërisë (ënjtje e kapakëve të syrit, fytyrës, buzëve, gjuhës dhe /ose fytit, vështirësi në frymëmarrje, skuqje dhe ndjeshmëri ndaj ekspozimit ndaj diellit).

Sistemi i qarkullimit të gjakut: çrregullime të gjakut.

Çrregullime të mëlçisë: insuficiencë e funksionit të mëlçisë.

Sytë: glaukoma e këndit të mbyllur.

Shpeshtësia e panjohur

Lëkura: skuqje dhe deskuamim lëkure (dermatitis eksfolijativ).

Nëse ndonjë nga efektet anësore të përmëndura më lart bëhet problem serioz, ose nëse vini re shfaqjen e ndonjë efekti anësor që nuk është i përmendur në ketë udhëzues, ju lutemi kontaktoni mjekun tuaj ose farmacistin.

RHINOSTOP® tableta duhen të ruhen larg nga fëmijët.

Të ruhet në temperaturën deri në 25 ºC.

Afati i skadencës: 60 muaj.

RHINOSTOP® tableta nuk duhet të përdoren pas afatit të skadencës të shënuar në paketim

Çfarë përmban ilaçi RHINOSTOP®?

Një RHINOSTOP® tableta përmban:

Paracetamol                                251,0 mg

Pseudoefedrinë hidrokloridi            61,2 mg

Klorfenaminë maleati                        2,54 mg

RHINOSTOP® tableta përmban substancat e mëposhtme ndihmëse: laktozë, niseshte misri, celulozë mikrokristaline PH 101, hidroksipropil celulozë dhe stearat magnezi.

 

Çfarë paraqitje ka ilaçi RHINOSTOP® dhe çfarë përmbajtje ka paketimi?  

RHINOSTOP® tabletat janë me ngjyrë të bardhë, me formë rrumbullake, me sipërfaqe të rrafshët, me emërtimin “RHINOSTOP” të shtypur nga njëra anë.

RHINOSTOP® tableta janë të paketuara në kuti me 10 dhe 20 tableta.

 

Regjimi i dhënies së ilaçit

Ilaçi jepet pa recetë të mjekut.

 

Emri dhe adresa (selia administrative)

Bosnalijek d.d., Sarajevë, Jukićeva 53, Bosnja dhe Hercegovina

Prodhuesi i barit te gatshëm (vendi i lëshimit të barit në qarkullim)

Bosnalijek d.d., Sarajevë, Jukićeva 53, Bosnja dhe Hercegovina

Emri dhe adresa e bartësit të Marketing Autorizimit për lëshimin e barit në qarkullim

Bosnalijek d.d., Sarajevë, Jukićeva 53, Bosnja dhe Hercegovina

 

Numri dhe data e regjistrimit (MA) për lëshimin e e barit në qarkullim

Δ RHINOSTOP®, tableta, 20 x (251,00mg + 61,20mg + 2,54mg): 04-07.10-1331/13 od 20.11.2013.

Δ RHINOSTOP®, tableta, 10 x (251,00mg + 61,20mg + 2,54mg): 04-07.10-1308/13 od 04.12.2013.