Rhinostop® shurup

Δ RHINOSTOP®

(101/20,2/1,01) mg/5 ml shurup

paracetamol/pseudoefedrin/klorfenamin (klorfeniramin)

 

Lexoni me kujdes këtë fletëpalosje sepse përmban informacione të rëndësishme për ju!

Ky medikament mund të blihet pa recetë. Eshë e nevojshme që ti përmbaheni këtij udhëzuesi në mënyrë që të arrini rezultatin më të mirë nga përdorimi i këtij ilaçi Udhezuesin ruajeni. Mbase do të keni nevojë ta lexoni përsëri. Drejtohuni mjekut ose farmacistit nëse keni pyetje shtesë.

 

 

Në këtë udhëzues mund të lexoni:

Ilaçi RHINOSTOP® shurup përmban tre përbërës aktiv – paracetamol, pseudoefedrinë dhe klorfenaminë, efektet e të cilëve plotësojnë njëri-tjetrin.

Paracetamol lehtëson dhimbjen dhe ulë temperaturën e ngritur të trupit.

Pseudoefedrina është një dekongjestiv nazal . Ka efekt në enët e vogla të gjakut në mukozën e hundës duke shkaktuar ngushtimin e tyre, dhe keshtu pengon hipersekrecionin nga hunda dhe zbutjen e simptomave të inflamacionit të mukozës së hundës dhe sinuseve.

Klorfenamina me efektin e saj antihistaminik zvogëlon bllokimin e hundës, lehtëson simptomat e rrjedhjes nga hundët, lotimin dhe djegien e syve.

Në rast të pëdorimit të masave të thjeshta për kurim nuk arrihen rezultatet e përshtatshme në lehtësimin e simptomave, tek fëmijët mbi 6 vjeç, mund të aplikohet përdorimi i RHINOSTOP® shurup për lehtësimin e simptomave të ftohjes, gripit dhe të rinitit alergjik të tilla si :

  • Hipersekrecion nga hunda
  • teshtimat,
  • bllokimi i hundës dhe sinuseve,
  • skuqje e hundeve       dhe syve
  • ndjesia e djegies dhe lotimi i syve,
  • dhimbje koke,
  • dhimbje në pjesën e sinuseve,
  • dhimbje fyti,
  • dhimbje muskujsh dhe kyçesh,
  • temperaturë e ngritur,
  • lodhje e përgjithshme etj.

Personat e rritur mund të përdorin RHINOSTOP® shurup gjithashtu në kuadër të indikacioneve të lartpërmëndura.

Paralajmëroni mjekun nëse jeni duke përdorur ilaçe të tjera, nëse keni ndonjë sëmundje kronike, ndonjë çrregullim metabolik, nëse jeni të ndjeshëm ndaj ilaçeve ose nëse keni patur ndonjë reaksion alergjk në ndonjërin prej tyre.

Mos përdorni RHINOSTOP® shurup:

  • nëse jeni alergjik (shumë të ndjeshëm) në përbërisit aktivë dhe /ose në përbërësit e tjerë të ilaçit (shikoni pjesën 6),
  • nëse vuani nga sëmundjet e rënda të arterieve koronare (të zemrës),
  • nëse keni tension shumë të lartë të gjakut
  • nëse jeni duke marrë ilaçe që përdoren për trajtimin e depresionit, që quhen inhibitorët monoaminoksidase (MAO Is), dmth mos përdorni medikamentin RHINOSTOP® pa kaluar 14 ditë nga përfundimi i përdorimit të inhibitorëve MAO
  • nësë keni të dëmtuar rëndë funksionet e e mëlçisë,
  • nëse keni të dëmtuar rëndë funksionet e veshkave,
  • nëse keni diabet,
  • nëse keni feokromocitomë (tumor të gjëndrrave mbiveshkore),
  • nëse keni të rritur funksionin e gjëndrrave tiroide,
  • nëse keni tension të lartë në sy,
  • tek fëmijët më të vegjël se 6 vjeç.

Tregohuni të kujdesshëm me ilaçin RHINOSTOP® shurup

Përpara fillimit të përdorimit të ilaçit RHINOSTOP® shurup konsultoheni me mjekun tuaj nëse keni ndonjë nga gjëndjet e mëposhtme:

  • bllokim të enëve të gjakut,
  • funksion të parregullt të zemrës dhe /ose sëmundjen ishemike të zemrës (sëmundja e arterieve të zemrës),
  • tension të lartë gjaku,
  • astmë,
  • demtim të funksionit të mëlçisë dhe dëmtim të mësëm deri të rëndë të funksionit të veshkave,
  • bllokim të kanaleve biliare dhe të qafës së fshikëzës së urinës,
  • ngushtim të sistemit tretës (obstrukcion piloroduodenal),
  • ulçerë në stomak ose duodenum
  • zmadhim të prostatës,
  • epilepsi.

Gjatë përdorimit të RHINOSTOP® shurup mos përdorni ilaçe të tjera që përmbajnë paracetamol ose medikamente që përdoren për lehtësimin e kongjestionit të mukozës së hundës (bllokimi i hundës).

Fëmijët e moshës nga 6 deri në 12 vjeç nuk duhet to përdorin RHINOSTOP® shurup më gjatë se 5 ditë pa u konsultuar me mjekun.

Përdorimi i ilaçeve të tjera gjatë përdorimit të ilaçit RHINOSTOP® shurup

Kini parasysh se ky informacion vlen dhe për ilaçet që nuk i përdorni më, gjithashtu dhe për ilaçet që planifikoni të përdorni në të ardhmen. Informoni mjekun tuaj nëse jeni duke përdorur ndonjë ilaç ose nëse keni përdorur kohët e fundit ndonjë ilaç, duke përfshirë këtu dhe ilaçet që blihen pa recetë të mjekut.

Konsultohuni me mjekun tuaj ose me farmacistin përpara përdorimit të RHINOSTOP® shurup , nëse jeni duke përdorur një nga ilaçet e mëposhtme:

  • antidepresantë (ilaçe për trajtimin e depresionit – MAO inhibitorë ose andidepresantët triciklikë),
  • anksiolitikë dhe hipnotikë (ilaçe për qetësim),
  • antihipertenzivë (ilaçe për uljen e tensionit të gjakut) dhe diuretikë (ilaçe për urinim),
  • antibiotikë (izoniazid, kloramfenikol),
  • karbamazepinë, fenitoinë, lamotriginë (ilaçe që përdoren për trajtimin e epilepsisë),
  • propantelinë (ilaçi antimuskarinik që ngadalëson zbrazjen e stomakut),
  • metoklopramid dhe cisaprid (ilaçe që shpejtojnë zbrazjen e stomakut),
  • ergotaminë (ilaç për kurimin e migrenës dhe për parandalimin dhe trajtimin e gjakderdhjes nga mitra) ose derivatet e tij, duke përfshirë këtu metisergid (ilaç për trajtimin e migrenës),
  • sulfinpirazonë (ilaç që përdoret për trajtimin e Giht),
  • digoksinë (ilaç për zemrën-
  • varfarinë (ilaç që parandalon mpiksjen e gjakut),
  • zidovudinë dhe lopinavir (ilaçe që përdoren për trajtimn e infeksionit HIV– AIDS).

Përdorimi i ushqimeve dhe pijeve gjatë kurës RHINOSTOP® shurup

Nuk lejohet konsumimi i alkoolit gjatë kohës që përdorni ilaçin RHINOSTOP® shurup.

Shtatëzania dhe (ushqyerja me gji) laktacioni

Këshillohuni me mjekun tuaj ose me farmacistin para filllimit të përdorimit të ndonjë ilaçi.

Shtatëzania

Siguria e përdorimit të medikamentit RHINOSTOP® shurup tek gratë shtatëzëna nuk është e konfirmuar. Ky ilaç mund të përdoret gjatë shtatëzanisë vetëm nëse mjeku juaj e konsideron të nevojshëm, pasi ka vlerësuar me kujdes përfitimet për nënën dhe rrezikun për fetusin.( Përdorimi i ilaçit gjatë shtatëzanisë duhet të kufizohet sa të jetë e mundur në kohëzgjatje). Kohëzgjatja e përdorimit të ilaçit gjatë shtatëzanisë duhet të jetë sa ma e shkurtër që është e mundur.

Laktacioni (Gjidhënia)

Disa përbërës të këtij medikamenti mund të kalojnë në qumështin e gjirit, dhe në këtë mënyrë shkaktojnë efekte negative te foshnjat. Nëse ushqeni me gji foshnjen tuaj dhe nëse mendoni që duhet të përdorni ilaçin RHINOSTOP® shurup, mos filloni përdormin e tij pa u konsultuar me mjekun tuaj.

Drejtimi i automjeteve dhe përdorimi i makinerive

Δ Trigonik, ilaç me efekt të mundshëm në aftësitë psikofizike (duhet të keni kujdes në drejtimin e automjeteve dhe përdorimin e makinerive).

Ilaçi mund të shkaktojë përgjumje dhe kështu mund të ulë aftësitë tuaja psikofizike, prandaj shoferët duhet të kenë kujdes të veçantë në drejtimin e automjeteve dhe /ose përdorimin e makinerive. Përdorimi i alkoolit në të njëjtën kohë me ilaçin mund të rrisë këtë efekt.

Nëse ndjeni lodhje ose përgjumje, mos drejtoni automjete dhe mos përdorni makineri.

Paralajmërime të tjera

Ilaçi RHINOSTOP® shurup përmban saharozë dhe sorbitol (E420). Nëse mjeku juaj ka konfirmuar se keni sëmundjen e ashtëquajtur intoleranca ndaj disa sheqerëve, përpara fillimit të përdorimit të këtij medikamenti këshillohuni me mjekun tuaj.

Kujdes i veçantë është i nevojshëm për pacientët që kanë diabet për shkak të përmbajtjes së saharozës. Saharoza mund të dëmtojë dhëmbët.

Ilaçi RHINOSTOP® shurup përmban propilenglikol, i cili mund të shkaktojnë simptoma të ngjashme me alkoolin.

Ilaçi RHINOSTOP® shurup përmban kosinil të kuq (E124), i cili mund të shkaktojë reaksione të tipit alergjik.

Medikamentin përdoreni duke i’u përmbajtur udhëzimeve. Konsultohuni me mjekun ose farmacistin nëse mendoni që efekti i ilaçit është shumë i dobët ose shumë i fortë.

Mënyra e përdorimit

RHINOSTOP® shurup mund të merrët në rrugë orale (nga goja).

Doza

Përpara përdorimit të RHINOSTOP® shurup duhet t’i përmbaheni rekomandimeve të mëposhtme për dozën:

Fëmijët e moshës 6 deri në 12 vjeç

  • 1 lugë me masë (5 ml) RHINOSTOP® shurup çdo 6 orë

Fëmijët mbi 12 vjeç

  • 3 lugë me masë (15 ml) RHINOSTOP® shurup çdo 6 orë

Nëse personave të rritur ju përshtatet medikamenti RHINOSTOP® në formë shurupi, mund të përdorin të njëjtën dozë si dhe fëmijët mbi 12 vjeç.

Përdorimi i RHINOSTOP® shurup për fëmijët nën moshën 6 vjeç është i kundërindikuar.

Doza për pacientët me funksion të dëmtuar të veshkave

Tek pacientët me funksion të dëmtuar lehtë ose mesatar të veshkave, rekomandohet që intervali kohor midis dozave të RHINOSTOP® shurup të jetë 8-12 orë.

Rekomandime të veçanta për dozën dhe përdorimin e ilaçit

  • Simptomat e ftohjes tek fëmijët e moshës nga 6 deri në 12 vjeç duhet fillimisht të (provohen) të trajtohen me masa të thjeshta, të tilla si marrja e sasive të mëdha të pijeve të ngrohta, përdorimi i paracetamolit në formën dhe dozën e përshtatshme farmaceutike që i përshtatet moshës së fëmijës me qëllim uljen e temperaturës, përdorimi i pikave të tretësirës fiziologjike (0,9% tretësirë e kloridit të natriumit) në hundë në rast bllokimi të hundës. Nëse me këto masa nuk përmirësohet gjëndja shëndetësore e fëmijës, përdorni RHINOSTOP® shurup me dozën e rekomanduar për fëmijët e kësaj moshe.
  • Fëmijët e moshës nga 6 deri në 12 vjeç nuk duhet të përdorin RHINOSTOP® shurup më gjatë se 5 ditë pa u konsultuar me mjekun. Doza e ilaçit e rekomanduar për ketë moshë nuk duhet të kalohet. Kërkoni ndihmën e mjekut nëse gjëndja e fëmijës përkeqësohet gjatë kohës së trajtimit.

Përdorimi i tepruar i medikamentit RHINOSTOP® shurup

Drejtohuni menjëherë te mjeku juaj apo farmacisti nëse keni përdorur dozë më të madhe të ilaçit sesa doza e rekomanduar!

Në rast mbidoze, drejtohuni menjëherë mjekut tuaj ose kërkoni ndihmën e shpejtë, madje edhe nëse ndiheni mire dhe nuk keni simptoma të qarta të mbidozës, për shkak të mundësisë të shfaqjes së mëvonshme të dëmtimeve të rënda të mëlçisë.

Sillni me vete paketimin e medikamentit që mjeku të dijë çfarë ilaçi keni përdorur.

Simptomat e mbidozës janë: irritim, konfuzion, ankth, të përziera, të vjella, dhimbje barku, përgjumje, haluçinacione, zgjerim të bebzës së syrit, rritje e tensionit të gjakut, përshpejtim të rrahjeve të zemrës, ngritje te temperature, tharje e gojës dhe skuqje e fytyrës.

Nëse harroni të përdorni ilaçin RHINOSTOP® shurup

Mos merrni dozë të dyfishtë të ilaçit nëse keni harruar ta përdorni atë, por vazhdoni përdorimin si zakonisht.

Asnjëherë mos merrni dozë të dyfishtë të ilaçit për të

plotësuar dozën e harruar.

Nëse ndaloni marrjen e ilaçit RHINOSTOP® shurup

Këtë ilaç përdoreni për aq kohë sa e keni të rekomanduar nga mjeku.

Nëse ndaloni marrjen e këtij ilaçi përnjëherësh nuk pritet të keni asnjë efekt negativ.

Ashtu si ilaçet e tjera dhe ilaçi RHINOSTOP® shurup mund të shkaktojë efekte anësore të padëshiruara, por ato mund të mos shfaqen tek të gjithë njerëzit.

Ndaloni menjëherë marrjen e medikamentit RHINOSTOP® shurup dhe kërkoni ndihmën e shpejtë mjekësore nëse vini re shfaqjen e urtikave në lëkurë ose nëse keni vështirësi në frymëmarrje, ënjtje të fytyrës, buzëve, gjuhës ose fytit (reaksione të rënda alergjke).

Shpeshtësia e paraqitjes së efekteve anësore është e përcaktuar si më poshtë:

  • Shumë shpesh (prek më shumë se 1 në 10 pacientë të kuruar)
  • Shpesh (prek 1 deri në 10 nga 100 pacientë të kuruar)
  • Jo e shpeshtë (prek 1 deri në 10 nga 1.000 pacientë të kuruar)
  • Rrallë (prek 1 deri në 10 nga 10.000 pacientë të kuruar)
  • Shumë rrallë (prek me pak se 1 nga 10.000 pacientë të kuruar)
  • Shpeshtësia e panjohur (nuk mund të përcaktohet nga të dhënat e disponueshme).

Paracetamol

Shpesh

Lëkura: kruarje.

Sistemi tretës: obstipacion, të përziera, të vjella.

Sistemi nervor qëndror: dhimbje koke, pagjumësi, ankth.

 Rrallë

Sistemi i qarkullimit të gjakut: ulje të numrit të trombociteve (trombocitopeni), ulje e qelizave të bardha të gjakut (leukopeni, neutropenia).

Sistemi imunitar: reaksione të mbindjeshmërisë (skuqje lëkure, puçrra, urtikaria).

Shpeshtësia e panjohur

Lëkura: infektim dhe dhimbje e mukozës (Sindorma Stevens-Johnson, nekroliza toksike epidermale).

Pseudoefedrinë

Shpesh

Sistemi i enëve të gjakut dhe zemrës: rritje e tensionit të gjakut, rrahje të parregullta zemre.

Sistemi tretës: të përziera, të vjella.

Sistemi nervor qëndror: dhimbje koke, pagjumësi, ankth, nervoz, irritim.

Efektet e pseudoefedrinës në sistemin nervor qëndror janë më të shpeshta tek fëmijët dhe tek personat e moshuar.

Rrallë

Sistemi nervor qëndror: haluçinacione.

Lëkura: puçrra, djersitje.

Shumë rrallë

Sytë: glaukoma me kënd të mbyllur.

Sistemi urinar: vonesë në urinim.

Klorfenaminë

Shpesh

Sistemi nervor qëndror: përgjumje, dhimbje koke, reduktim të aktivitetit psikomotorik.

Sistemi tretës :obstipacion, diarre, të përziera, të vjella, tharje goje.

Veshët: tingëlllim ne veshë- tinitus.

Sytë: Shikim i turbulluar .

Sistemi urinar: vonesë në urinim.

Rrallë

Sistemi i enëve të gjakut dhe zemrës: tensioni i ulët i gjakut, rrahje të forta zemre, rrahje të parregullta të zemrës.

Sistemi nervor qëndror dhe periferik: çrregullim i motorikës së trupit, marramendje, konfuzion, depresion, çrregullim i gjumit, dridhje, konvulsione .

Sistemi imunitar: reaksione të tejndjeshmërisë (ënjtje e kapakëve të syrit, fytyrës, buzëve, gjuhës dhe /ose fytit, vështirësi në frymëmarrje, skuqje dhe ndjeshmëri ndaj ekspozimit ndaj diellit).

Sistemi i qarkullimit të gjakut: çrregullime të gjakut.

Çrregullime të mëlçisë: insuficiencë e funksionit të mëlçisë.

Sytë: glaukoma e këndit të mbyllur.

Shpeshtësia e panjohur

Lëkura: skuqje dhe deskuamim lëkure (dermatitis eksfolijativ).

Nëse ndonjë nga efektet anësore të përmëndura më lart bëhet problem serioz, ose

nëse vini re shfaqjen e ndonjë efekti anësor që nuk është i përmendur në ketë udhëzues, ju lutemi të kontaktoni mjekun tuaj ose farmacistin.

Medikamenti RHINOSTOP® shurup duhet të ruhet larg nga fëmijët.

Të ruhet në temperaturën deri në 25 ºC.

Afati i skadencës: 60 muaj.

Medikamenti RHINOSTOP® shurup nuk duhet të përdoret pas afatit të skadencës të shënuar në paketim.

Çfarë përmban ilaçi RHINOSTOP® shurup?

5 ml RHINOSTOP® shurup përmban:

Paracetamol                                 101,0 mg

Pseudoefedrinë hidrokloridi           20,20 mg

Klorfenaminë maleati                        1,01 mg

 

RHINOSTOP® shurup përmban substancat e mëposhtme ndihmëse: saharozë, glicerol 85%, propilenglikol, sorbitol (E420), sakarinë natriumi, kosinil i kuq (E124), aromë manaferre.

Çfarë paraqitje ka ilaçi RHINOSTOP® shurup dhe çfarë përmbajtje ka paketimi?  

RHINOSTOP® shurup është i kthjelltë , me ngjyrë të kuqe me aromë karakteristike manaferre, shije të këndshme.

RHINOSTOP® shurup është i paketuar në shishe qelqi ngjyrë kafe me kapak vidhosës plastik të bardhë. Gjithashtu në paketim përfshihet dhe luga matëse për dozim të saktë të ilaçit.

Regjimi i dhënies së ilaçit

Ilaçi jepet pa recete të mjekut.

Emri dhe adresa (selia administrative)

Bosnalijek d.d., Sarajevë, Jukićeva 53, Bosnja dhe Hercegovina

Prodhuesi i barit të gatshem (vendi i lëshimit të barit në qarkullim)

Bosnalijek d.d., Sarajevë, Jukićeva 53, Bosnja dhe Hercegovina

Emri dhe adresa e bartesit te Marketing Autorizimit për lëshimin e barit ne qarkullim

Bosnalijek d.d., Sarajevë, Jukićeva 53, Bosnja dhe Hercegovina

 

Numri dhe data e regjistrimit (MA) për lëshimin e e barit në qarkullim

RHINOSTOP® shurup                     numri: 04-07.10-1307/13 nga 30.09.2013