Rhinostop® таблети

Δ RHINOSTOP®

251 mg/61,2 mg/2,54 mg таблети

парацетамол/псеудоефедрин/хлорфенамин

Внимателно прочитајте го ова упатство поради што содржи информации кој се важни за Вас!

Овој лек може да се купи без лекарски рецепт. Потребно е да се придржувате до упатството за да со примената на лекот добиете најдобри резултати. Чувајте го упатството. Можеби ќе посакате повторно да го прочитате. Доколку  имате дополнителни прашања обратете се кај Вашиот лекар или фармацевт.

 

Во ова упатство може да се прочита следново:

 

Лек RHINOSTOP® таблети содржи три активни состојки – парацетамол, псеудоефедрин и хлорфенамин чии што делувања меѓусебно се помагаат.

Парацетамол ублажува болки и намалува покачена телесна температура.

Псеудоефедрин е назален деконгестив. Делува на малите крвни садови во слузницата и носот предизвикувајќи нивно стеснување што доведува до спречување на прекумерно излачување на секрет од носот и ги ублажува симптомите на воспаление на слузницата на носот и синусите.

Хлорфенамин со своето антихистаминско делување ја намалува затнатоста, течењето од  носот како и солзењето и пецкањето на очите.
RHINOSTOP® таблети се применуваат за олеснување на симптомите на настинка ,грип и алергиски ринитис меѓу кои :

  • зголемена секреција од носот
  • кивање,
  • затнатост на носот и синусите,
  • црвенило на носот и очите,
  • насолзени очи кои чешаат,
  • главоболка,
  • болка во синусите,
  • болка во грлото,
  • болка во мускулите и зглобовите,
  • висока телесна температура,
  • општа слабост и сл.

 

  • Информирајте го Вашиот доктор  доколку употребувате и други лекови, имате хронична болест, пореметувања на метаболизмот, преосетливи сте на лекови или имате алергиски реакции на некој од нив.Не го применувајте лек RHINOSTOP ®  таблети:
    • ако сте алергични (преосетливи) на активните и/или било кои други состојки на лекот (види дел 6),
    • ако имате сериозно заболување на крвните садови на срцето(коронарните артерии)
    • ако имате многу висок крвен притисок,
    • ако примате терапија со лекови кои се применуваат во лечење на депресија- инхибитори на моноаминооксидази (МАО инхибитори), односно немојте да го применувате лек Rhinostop® во период од 14 дена по прекинот на примена на МАО инхибитори,
    • ако имате тешко оштетување на функцијата на црниот дроб,
    • ако имате тешко оштетување на функцијата на бубрезите,
    • ако имате дијабет,
    • ако имате феокромоцитом (тумор на надбубрежна жлезда),
    • ако имате зголемена работа на штитна жлезда,
    • ако имате зголемен очен притисок,

Бидете внимателни со лекот RHINOSTOP®

Пред  да го употребите лекот RHINOSTOP® таблети обратете за совет кај Вашиот доктор ако имате некоја од наведените состојби:

  • блокирани крвни садови,
  • неправилна срцева работа и/или исхемична срцева болест(болест на артериите на срцето),
  • висок крвен притисок,
  • астма,
  • заболувања на црниот дроб и умерено до тешко заболување на бубрезите,
  • обструкција на жолчните канали и вратот на жолчниот меур,
  • ако имате стеснување во дигестивниот систем (пилородуоделна опструкција),
  • чир на желудникот или дванаесетпалачното црево,
  • зголемена простата,
  • епилепсија.

за време на терапијата со RHINOSTOP® таблети не смеете истовремено да употребувате други лекови кои содржат парацетамол или други деконгестиви на носната слузница (лекови за третман на затнат нос).

Доколку не дојде до подобрување на Вашата состојба (треска која трае подолго од 3 дена,болка и затнат нос подолго од 7 дена) , треба да се обратите за совет кај Вашиот доктор.

Употреба на други лекови со лекот  RHINOSTOP®

Имајте во предвид дека овие информации може да се однесуваат и на лекови кои повеќе не се употребуваат како и на лековите кои планирате да ги употребувате во иднина. Известете го вашиот доктор доколку применувате или неодамна сте применувале некој друг лек, вклучувајки ги и лековите кои се издаваат без лекарски рецепт.

Пред употреба на  RHINOSTOP® таблети контактирајте го Вашиот доктор ако употребувате било кој од наведените лекови:

  • антидепресиви (лекови за лечење на депресија – МАО инхибитори или трициклични антидепресиви),
  • анксиолитици и хипнотици ( лекови со седирачки ефект ),
  • антихипертензиви (лекови за намалување  на зголемен крвниот притисок) и диуретици (лекови за мокрење) ,
  • антибиотици (изонијазид, хлорамфеникол),
  • карбамазепин, фенитоин, ламотригин, (лекови кои се применуваат  за третман на епилепсија),
  • пропантелин (антимускарински лек кој го забавува празнење на желудочната содржина) ,
  • метоклопрамид и цисаприд  (лекови кои забрзуваат празнење на желудникот),
  • ерготамин  (лек за третман на мигрена и за превенција и третман на  крварење од матката) или негови деривати, вклучувајќи и метисергид (лек за лечење на мигрена),
  • сулфинпиразон (лек кој се користи за лечење на ГИХТ),
  • дигоксин (за третман на срцеви нарушувања),
  • варфарин (лек кој спречува згрутчување на крвта),
  • зидовудин и лопинавир (лекови кои се користат за третман на ХИВ инфекции – СИДА).

Употреба на храна и пијалоци со лек RHINOSTOP®

Не смеете да конзумирате алкохол за време на примена на лекот RHINOSTOP® таблети.

Бременост и доење

Пред да почнете да употребувате било каков лек , посоветувајте се со Вашиот лекар или фармацевт.

Бременост

Сигурност на примена на RHINOSTOP® таблети кај трудници не е потврдена. Овој лек во бременост може да се употребува само доколку Вашиот лекар смета да е тоа неопходно, после негова внимателна процена на корист за мајката и плодот. Примена на лекот во време на бременост треба да се ограничи на најкраток можен период.

Доење

Некои состојки на овој лек може да се излачат во мајчиното млеко при што може да дојде до штетно влијание врз доенчето. Доколку сте доилка и мислите дека треба до го применувате лекот RHINOSTOP® таблети, немојте тоа да го правите без претходен совет од Вашиот лекар.

Управување со возила и машини

Δ Триаголник,означува лек со можно влијание на психофизичките способности  (внимателно при управување со моторни возила и машини).

Лекот може да предизвика поспаност и така да ги намали Вашите психофизички способности  поради што е потребно посебно внимание при управување со возила и/или ракување со машини. Истовремена примена на алкохол ќе го зголеми овој ефект.

Доколку осетите замор и поспаност  немојте да управувате со возила ниту пак да ракувате со машини.

Останати предупредувања

Лек RHINOSTOP® таблети содржи лактоза(вид на јаглехидрат).

Доколку  Вашиот доктор Ви кажал дека имате болест т.н неподносливост на некои шеќери пред почетокот на примена посоветувајте се со Вашиот доктор.

 

 

 

 

 

 

Лекот применувајте го според приложеното упатство.

Доколку сметате дека дека делувањето на лекот е многу јако или многу слабо , посоветувајте се Вашиот лекар или фармацевт.

Начин на употреба

RHINOSTOP® таблети се применуваат перорално(преку уста).

Дозирање

При употреба на  RHINOSTOP® таблети треба да се придржувате кон следните препораки за дозирање:

Возрасни пациенти и деца над 12 години

  • 1 RHINOSTOP® таблета на секои  6 часа.

Немојте да земате повеќе од 4 таблети во период од 24 часа.

Деца на возраст од 6-12 години

  • RHINOSTOP® таблети не е наменет за употреба кај пациенти под 12 години.

За деца на возраст од 6 – 12 години се препорачува употреба на  RHINOSTOP® сируп.

  • Пациенти со оштетена ренална функција

Кај пациенти со слабо до умерено нарушѕвање на реналната функција се препорачува интервалот помеѓу две дози да се продолжи на  8 до 12 часа.

Прекумерна употреба на лекот RHINOSTOP®

Ако сте земале поголема доза од лекот отколку што е препорачано во ова упатство , треба веднаш да се обратите кај Вашиот доктор или фармацевт!

Во случај на предозирање веднаш да се обратите до својот лекар или пак да повикате брза помош дури и кога се осеќате добро и нема јасни симптоми за предозирање поради можноста од оштетување на црниот дроб.

Понесете го со Вас пакувањето на лекот со цел  лекарот да знае кој лек сте го примениле.

Симптоми на предозирање се: вознемиреност, збунетост, тегоби, мачнини, повраќање, болки во стомакот, поспаност, халуцинации, проширени зеници, зголемен крвен притисок, забрзана работа на срцето , зголемена телесна температура, сува уста и црвенило на лицето.

Доколку сте заборавиле да го земете лекот RHINOSTOP® таблети

Доколку сте заборавиле да го земете лекот, не земајте двојна доза само продолжете со примена према вообичаениот распоред.

Никогаш не земајте двојна доза за да ја надоместите пропуштената доза.

Доколку престанете со примена на лек RHINOSTOP® таблети

Овој лек применувајте го онолку долго колку што Вашиот лекар Ви препорачал.

Доколку нагло престанете со примена на овој лек, не се очекуваат никакви несакани ефекти.

 

Како и останатите лекови така и лекот  RHINOSTOP® таблети може да предизвика одредени несакани дејства. Не се вознемирувајте поради оваа листа на несакани дејства бидејки тие не се јавуваат кај сите пациенти.

Доколку Ви се јават некои од следните несакани дејства треба веднаш да прекинете со употреба на лекот и да побарате медицинска помош:исип по кожата или потешкотии при дишење, појава на отоци по лицето, усните, јазикот или грлото. Овие се знаци на алергиска реакција на лекот.

Според зачестеноста на јавување несаканите ефекти се дефинирани како:

  • многу чести ( се јавуваат кај повеќе од 1 на 10 лекувани пациенти)
  • чести (се јавуваат кај 1 до 10 на 100 лекувани пациенти)
  • помалку чести ( се јавуваат кај 1 до 10 на 1000 лекувани пациенти)
  • ретки (се јавуваат кај 1 до 10 на 10 на 10.000 лекувани пациенти)
  • многу ретки (се јавуваат кај помалку од 1 на 10.000 лекувани пациенти)
  • непозната фрекфенција на јавување (фрекфенцијата не може да се утврди од  достапните податоци).

Парацетамол

Често :

Кожа: исип.

Гастроинтестинален систем:запек, мачнина, повраќање.

Централен нервен систем: главоболка, несоница, вознемиреност.

 

Ретко

Крвен систем: намален број на крвни плочки (тромбоцитопенија), намален број на бели крвни клетки  (леукопенија, неутропенија).

Имунолошки систем: реакции на преосетливост (црвенило на кожа, исип по кожа , уртикарија).

Непозната фрекфенција

Кожа: болни и воспалени промени (Stevens-Johnsonov синдром, токсична епидермална некролиза).

Псеудоефедрин

Честo

Систем на крвни садови и срце: висок крвен притисок, забрзана срцева работа.

Гастроинтестинален систем: гадење, повраќање.

Централен нервен систем :главоболка,несоница,анксиозност,вознемиреност.

Кај деца и постарите пациенти почесто се јавуваат несаканите ефекти на псеудоефедрин врз нервниот систем.

Ретко

Централен нервен систем:халуцинации.

Кожа: исип, зголемено потење.

Многу ретко

Очи: глауком од затворен агол.

Уринарен систем: задршка на урина.

Хлорфенамин

Често

Централен нервен систем: зашеметеност, главоболка, намалена психомоторна активност.

Гастроинтестинален систем: запек, пролив, гадење, повраќање,сува уста.

Уши: зуење во ушите.

Очи: заматен вид.

Уринарен систем: задршка на урина.

Ретко

Систем на крвни садови и срце: низок крвен притисок, срцебиење, неправилна срцева работа.

Централен и периферен нервен систем: нарушувања на движењата на телото, вртоглавица, збунетост, депресија, нарушен сон, тремор, грчеви.

Имунолошки систем:реакции на преосетливост (отоци на очните капаци,лицето, усните, јазикот и/или грлото, отежнато дишење, исип и преосетливост на сонце-фотосензитивни реакции).

Крвен систем: нарушувања на крвта.

Нарушувања на црниот дроб: затајување на функцијата на црниот дроб.

Очи: глауком од затворен агол.

Непозната фрекфенција

Кожа : црвенило и лупење  (екфолијативен дерматитис).

Доколку забележите влошување на некое од несаканите дејства или појава на несакано дејство кое што не е наведено во ова внатрешно упатство, веднаш известете го Вашиот доктор или фармацевт.

RHINOSTOP® таблети чувајте го подалеку од дофат и поглед на деца.

Да се чува на температура до 25 ºC.

Рок на траење: 60 месеци.

Лекот RHINOSTOP® таблети не смее да се употребува после истекот на датумот на употреба кој е наведен на пакувањето.

Што лекот RHINOSTOP® содржи?

Една  RHINOSTOP® таблета содржи:

Парацетамол                                  251,0 mg

Псеудоефедрин хидрохлорид            61,2 mg

Хлорфенамин малеат                    2,54 mg

RHINOSTOP® таблети ги содржат  следните помошни супстанции : лактоза, пченкарен скроб, микрокристална целулоза PH 101, хидроксипропилцелулоза и магнезиум стеарат.

 

Како изгледа лекот RHINOSTOP®  таблети и содржина на пакувањето   

RHINOSTOP® таблети се со бела боја,округла форма,рамна површина,со втиснато “RHINOSTOP” на едната страна од таблетата.

RHINOSTOP® таблети се пакувани во кутија со 10 таблети(блистер 1 х 10 ) /кутија.

 

Режим на издавање на лекот

Лекот се издава без лекарски рецепт.

Име и адреса на производителот (административно седиште)

Босналијек д.д., Сараево, Јукичева  53, Босна и Херцеговина

Производител на готов лек (место на пуштање на лекот во промет)

Босналијек д.д., Сараево, Јукичева  53, Босна и Херцеговина

Носител на одобрението за ставање на лекот во промет

Босналијек д.д., Сараево, Јукичева  53, Босна и Херцеговина

Број и датум на решението за ставање на лекот во промет

RHINOSTOP® таблети                      број: 15-1048/12 од 29.03.2012