Rhinostop® сируп

Δ Rhinostop®

(101/20,2/1,01) mg/5 ml сируп

парацетамол/псеудоефедрин/хлорфенамин 

 

Внимателно прoчитајте го ова упатство поради што содржи информации кој се важни за Вас!

Овој лек може да се купи без лекарски рецепт. Потребно е да се придржувате до упатството за да со примената на лекот добиете најдобри резултати. Чувајте го упатството. Можеби ќе посакате повторно да го прочитате. Доколку  имате дополнителни прашања обратете се кај Вашиот лекар или фармацевт.

 

Во ова упатство може да се прочита следново:

Лек Rhinostop® сируп содржи три активни состојки – парацетамол, псеудоефедрин и хлорфенамин чии што делувања меѓусебно се помагаат.

Парацетамол ублажува болки и намалува покачена телесна температура.

Псеудоефедрин е назален деконгестив. Делува на малите крвни садови во слузницата и носот предизвикувајќи нивно стеснување што доведува до спречување на прекумерно излачување на секрет од носот и ги ублажува симптомите на воспаление на слузницата на носот и синусите.

Хлорфенамин со своето антихистаминско делување ја намалува затнатоста, течењето од  носот како и солзењето и пецкањето на очите.

Во случај да со примена на едноставни мерки на лечење не се постигне соодветно олеснување на симптомите кај деца постари од 6 години се применува Rhinostop® сируп за ублажување на симптомите на настинка, грип или алергиски ринит како што се:

  • зголемена секреција од нос ,
  • кивање,
  • затнатост на носот и синусите,
  • црвенило на нос и очи ,
  • чувство на пецкање и солзење на очите,
  • главоболка,
  • болка во пределот на синусите,
  • болно грло,
  • болка во мускулите и зглобовите,
  • покачена телесна температура,
  • општа слабост и сл.

Возрасни особи исто така можат да го применуваат Rhinostop®  сируп во рамки на наведените индикации..

Известете го Вашиот лекар  доколку применувате и други лекови, имате хронична болест, пореметувања на метаболизмот, преосетливи сте на лекови или имате алергиски реакции на некој од нив.

Не го применувајте лекот  Rhinostop®  сируп:

  • ако сте алергични (преосетливи) на активните и/или било кои други состојки на лекот (види дел 6),
  • ако имате тешки заболувања на коронарните (срцевите) артерии,
  • ако имате изразено покачен крвен притисок,
  • ако сте на терапија со лекови кој се применуваат во лечење на депресија, а се викаат инхибитори на моноаминооксидази (МАО инхибитори), односно немојте да го применувате лек Rhinostop® во период од 14 дена по прекинот на примена на МАО инхибитори,
  • ако имате тешко оштетување на црниот дроб,
  • ако имате тешко оштетување на функцијата на бубрезите,
  • ако имате шеќерна болест,
  • ако имате феокромоцитом (тумор на надбубрежна жлезда),
  • ако имате зголемена функција на штитна жлезда,
  • ако имате зголемен очен притисок,
  • кај деца помлади од 6 години.

Бидете внимателни со лекот Rhinostop® сируп

Пред примена на лек Rhinostop® сируп посоветувајте се со Вашиот лекар доколку имате некој од следните состојби:

  • затнатост на крвните садови
  • неправилна работа на срцето и/или исхемична болест на срцето (болест на артериите на срцето),
  • зголемен крвен притисок,
  • астма,
  • оштетување на функцијата на црниот дроб и умерено до тешко оштетување на функцијата на бубрезите,
  • блокирани жолчни канали и отвор на мочниот меур,
  • затегнатост на дигестивниот систем (пилородуоденална опструкција),
  • чир на желудник и дванаесетпалачно црево,
  • зголемена простата,
  • епилепсија.

При примена на Rhinostop® сируп немојте да применувате други лекови кои содржат парацетамол или лекови кои се користат при намалување на конгестијата на носот (затнатост на нос).

Деца на возраст од 6 до 12 години не смеат да го користат Rhinostop® сируп подолго од 5 дена без совет од лекар.

Примена на други лекови со лек Rhinostop® сируп

Имајте во предвид да сите овие информации можат да се однесуваат и на лекови кои повеќе не ги применувате како и на лекови кои планирате да ги применувате во иднина. Известете го Вашиот лекар доколку применувате или неодамна сте применувале некои друг лек, вклучувајќи ги и лековите кои се издаваат без рецепт.

Ако применувате некој од следните лекови, посоветувајте се со Вашиот лекар или фармацевт пред примена на RHINOSTOP® сируп:

  • антидепресиви (лекови за лечење на депресија – МАО инхибитори или трициклични антидепресиви),
  • анксиолитици и хипнотици ( лекови за смирување ),
  • антихипертензиви (лекови за снижување на крвниот притисок) и диуретици (лекови за мокрење) ,
  • антибиотици (изониазид, хлорамфеникол),
  • карбамазепин, фенитоин, ламотригин, (лекови кои се применуваат за лечење на епилепсија),
  • пропантелин (антимускарински лек кои успоруваат празнење на желудникот) ,
  • метоклопрамид и циспарид  (лекови кои забрзуваат празнење на желудникот),
  • ерготамин  (лек за леќење на мигрена и за спречување и лечење крварење од матката) или негови деривати, вклучувајќи и метисергид (лек за лечење на мигрена),
  • сулфинпиразон (лек кој се користи за лечење на ГИХТ),
  • дигоксин (лек за срце),
  • варфарин (лек кој спречува згрутчување на крвта),
  • зидовудин и лопинавир (лекови кои се за леќење на ХИВ инфекции – СИДА).

Примена на храна и пијалок со лек RHINOSTOP® сируп

Не смеете да конзумирате алкохол за време на примена на RHINOSTOP® сируп.

Трудници и доење

Пред почеток на примена на некој лек, посоветувајте се со Вашиот лекар или фармацевт.

Трудници

Сигурност на примена на Rhinostop® сируп кај трудници не е потврдена. Овој лек во бременост може да се употребува само доколку Вашиот лекар смета да е тоа неопходно, после негова внимателна процена на корист за мајката и плодот. Примена на лекот во време на бременост треба да се ограничи на најкраток можен период.

Доење

Некои состојки на овој лек може да доспеат во мајчиното млеко при што може да дојде до штетно влијание врз доенчето. Доколку сте доилка и мислите дека треба до го применувате лек RHINOSTOP®, немојте тоа да го правите без претходен совет од Вашиот лекар.

Управување со возила и машини

Δ Триаголник, лек со можно влијание на психофизичките способности  (внимателно при управување со моторни возила и машини).

Лекот може да предизвика поспаност и така да ги смали Вашите психофизички способности  поради што е потребно посебно внимание при управување со возила и/или ракување со машини. Истовремена примена на алкохол ќе го зголеми овој ефект.

Доколку осетите замор и поспаност  немојте да управувате со возила ниту пак да ракувате со машини.

Останати предупредувања

Лек RHINOSTOP® сируп содржи сахароза и сорбитол (E420). Ако Вашиот лекар Ви кажал дека имате болест т.н неподносливост на некои шеќери пред почетокот на примена посоветувајте се со Вашиот лекар.

Поради присуството на сахароза потребна е претпазливост кај пациенти со шеќерна болест. Сахарозата може да доведе до оштетување на забите.

Лек RHINOSTOP® сируп содржи пропиленгликол кои може да предизвика симптоми слични на алкохол.

Лек RHINOSTOP® сируп содржи азотна боја  Ponceau 4R црвен (E124), што може да предизвика алергиска реакција.

Лекот применувајте го според приложеното упатство. Доколку мислите да делувањето на лекот е многу јако или многу слабо, посоветувајте се со Вашиот лекар или фармацевт.

Начин на примена

Rhinostop® сируп се применува орално (преку уста).

Дозирање

Пред примена на Rhinostop® сируп морате да се придржувате на следните препораки за дозирање:

Деца на возраст од 6 до 12 години

  • 1  одмерна лажичка  (5 ml) Rhinostop® сируп на секој 6 часа

Деца постари од 12 години

  • 3 одмерни лажички (15 ml) Rhinostop® сируп на секој 6 часа

Доколку кај возрасни особи одговара лек Rhinostop® во облик на сируп, може да се применуваат истите дози кои се препорачани за деца над 12 годишна возраст.

Примена на Rhinostop® сируп кај деца помлади од 6 години е контраиндицирана.

  

Дозирање кај пациенти со оштетена функција на бубрезите 

Кај пациенти со благо или умерено оштетување на функцијата на бубрезите се препорачува да временскиот период помеѓу поеднинечните дози е од 8-12 часа.

Посебни напомени при дозирање и примена на лекот

  • Симптомите на настинка во детска возраст од 6 до 12 години најпрво треба да се лечат со примена на едноставни мерки како што се земање на поголема количина топли напитоци, примена на парацетамол во адекватен фармацевтски облик и доза која одговара на возраста на детето со цел да овозможи снижување на телесната температура, неколку капки од физиолошки раствор (0,9% натриум хлорид) во нос кога истиот е затнат. Ако со овие мерки не се подобри здравствената состојба , применете Rhinostop® сируп во дози препорачани за возраста.
  • Деца на возраст од 6 до 12 години не смеат да применуваат Rhinostop® сируп подолго од 5 дена без совет од лекар. Дозата на лекот, не смее да се прекорачи. Во случај да здравствената состојба на детето се влоши во тек на примена на Rhinostop®  треба да се побара помош од лекар.

Прекумерна примена на лек Rhinostop® сируп

Ако сте примениле поголема количина од лекот веднаш да се обратите кај Вашиот лекар или фармацевт!

Во случај на предозирање веднаш да се обратите до својот лекар или пак да повикате брза помош дури и кога се чувствувате добро и нема јасни симптоми за предозирање поради можноста од оштетување на црниот дроб.

Понесете го со Вас пакувањето на лекот со цел  лекарот да знае кој лек сте го примениле.

Симптоми на предозирање се: вознемиреност, збунетост, тегоби, мачнини, повраќање, болки во стомакот, поспаност, халуцинации, проширени зеници, зголемен крвен притисок, забрзана работа на срцето , зголемена телесна температура, сува уста и црвенило на лицето.

Доколку сте заборавиле да го земете лекот Rhinostop® сируп

Доколку сте заборавиле да го земете лекот, не земајте дупла доза само продолжете со примена према вообичаениот распоред.

Доколку престанете со примена на лек Rhinostop® сируп

Овој лек применувајте го онолку долго колку што Вашиот лекар Ви препорачал.

Доколку нагло престанете со примена на овој лек, не се очекуваат никакви несакани ефекти.

Како и останатите лекови така и  RHINOSTOP® сируп може да предизвика одредени несакани дејства. Не се вознемирувајте поради оваа листа на несакани дејства бидејки тие не се јавуваат кај сите пациенти.

Доколку Ви се јават некои од следните несакани дејства треба веднаш да прекинете со употреба на лекот и да побарате медицинска помош: осип по кожата или потешкотии при дишење, појава на отоци по лицето, усните,  јазикот или грлото. Овие се знаци на алергиска реакција на лекот.

Според зачестеноста на јавување несаканите ефекти се дефинирани како:

  • многу чести (се јавуваат кај повеќе од 1 на 10 лекувани пациенти)
  • чести (се јавуваат кај 1 до 10 на 100 лекувани пациенти)
  • помалку чести (се јавуваат кај 1 до 10 на 1000 лекувани пациенти)
  • ретки (се јавуваат кај 1 до 10 на 10 на 10.000 лекувани пациенти)
  • многу ретки (се јавуваат кај помалку од 1 на 10.000 лекувани пациенти)
  • непозната фрекфенција на јавување (фрекфенцијата не може да се утврди од  достапните податоци).

Парацетамол

Често :

Кожа: исип.

Гастроинтестинален систем:запек, мачнина, повраќање.

Централен нервен систем: главоболка, несоница, вознемиреност.

 

Ретко

Крвен систем: намален број на крвни плочки (тромбоцитопенија), намален број на бели крвни клетки  (леукопенија, неутропенија).

Имунолошки систем: реакции на преосетливост (црвенило на кожа, исип по кожа , уртикарија).

Непозната фрекфенција

Кожа: болни и воспалени промени (Stevens-Johnsonov синдром, токсична епидермална некролиза).

Псеудоефедрин

Чести

Систем на крвни садови и срце: висок крвен притисок, забрзана срцева работа.

Гастроинтестинален систем: гадење, повраќање.

Централен нервен систем: главоболка,несониза, анскиозност,вознемиреност.

Кај деца и постарите пациенти почесто се јавуваат несаканите ефекти на псеудоефедрин врз нервниот систем.

Ретко

Централен нервен систем: халуцинации.

Кожа: исип, зголемено потење.

Многу ретко

Очи: глауком од затворен агол.

Уринарен систем: задршка на урина.

Хлорфенамин

Често

Централен нервен систем: зашеметеност, главоболка, намалена психомоторна активност.

Гастроинтестинален систем: запек, пролив, гадење, повраќање,сува уста.

Уши: зуење во ушите.

Очи: заматен вид.

Уринарен систем: задршка на урина.

Ретко

Систем на крвни садови и срце: низок крвен притисок, срцебиење, неправилна срцева работа.

Централен и периферен нервен систем: нарушувања на движењата на телото, вртоглавица, збунетост, депресија, нарушен сон, тремор, грчеви.

Имунолошки систем:реакции на преосетливост (отоци на очните капаци,лицето, усните, јазикот и/или грлото, отежнато дишење, исип и преосетливост на сонце-фотосензитивни реакции).

Крвен систем: нарушувања на крвта.

Нарушувања на црниот дроб: затајување на функцијата на црниот дроб.

Очи: глауком од затворен агол.

Непозната фрекфенција

Кожа : црвенило и лупење  (екфолијативен дерматитис).

Доколку забележите влошување на некое од несаканите дејства или појава на несакано дејство кое што не е наведено во ова внатрешно упатство, веднаш известете го Вашиот доктор или фармацевт.

Лекот RHINOSTOP® сируп , чувајте го подалеку од дофат и поглед на деца.

Да се чува на температура до 25 ºC.

Рок на употреба – 60 месеци

Лекот RHINOSTOP® сируп не смее да се употребува после истекот на датумот  на употреба кој е наведен на пакувањето.

Што содржи лекот  RHINOSTOP® сируп?

5 ml RHINOSTOP® сируп содржи:

Парацетамол                               101,0 mg

Псеудоефедрин хидрохлорид            20,20 mg

Хлорфенирамин малеат                        1,01 mg

 

RHINOSTOP® сируп ги содржи следните помошни супстанции: сахароза, глицерол 85%, пропилен гликол, сорбитол (E420), сахарин натриум, боја Ponceau 4R red (E124), арома на малина.

Како изгледа лекот RHINOSTOP® сируп и  содржината на пакувањето 

RHINOSTOP® сируп е бистар, со црвена боја и со карактеристичен мирис на малина, пријатен вкус.

RHINOSTOP® сируп е пакуван во  стаклено шишенце , со бел пластичен затварач со навој,содржи 100 ml сируп. Во оргиналното пакување има и мерна лажичка ,за правилно дозирање на лекот.

Режим на издавање на лекот

Лекот се издава без лекарски рецепт.

Име и адреса на производителот (административно седиште)

Босналијек д.д., Сараево, Јукичева  53, Босна и Херцеговина

Производител на готов лек (место на пуштање на лекот во промет)

Босналијек д.д., Сараево, Јукичева  53, Босна и Херцеговина

Носител на одобрението за ставање на лекот во промет

Босналијек д.д., Сараево, Јукичева  53, Босна и Херцеговина

Број и датум на решението за ставање на лекот во промет

RHINOSTOP® сируп                       број: 15-4522/14 од 11.11.2014