Tregojini mjekut tuaj nëse merrni barna të tjera, keni ndonjë sëmundje kronike, një çrregullim metabolik, nëse jeni të mbindjeshëm ndaj disa barnave ose keni patur reaksione alergjike ndaj tyre.

Mos merrni RHINOSTOP® tableta:

• Nëse jeni alergjik (të mbindjeshëm) ndaj lëndëve verpuese dhe/ose përbërësve të tjerë që përmban bari (shikoni pikën 6.);
• Nëse keni mbindjeshmëri ndaj simpatomimetikëve;
• Nëse po mjekoheni me barna që përdoren për trajtimin e depresionit, të quajtura frenues të monoaminoksidazës (inhibito të MAO), ose merreni RHINOSTOP^®tableta 14 ditë pasi keni ndaluar së përdoruri inhibitor të MAO;
• Nëse keni të dëmtuar funksionin e melçisë;
• Nëse keni të dëmtuar funksionin e veshkave;
• Nëse vuani nga sëmundje të rënda kardiake, hypertension, diabet, astma bronkiale, glaukoma, hipertiroidizëm ose epilepsi;

Tregoni kujdes të veçantë me RHINOSTOP tableta

Kur merrni RHINOSTOP tableta mos merrni dhe barna të tjera njëkohësisht që përmbajnë paracetamol ose barna që përdoren për reduktimin e bllokimit të hundës.

Është e këshillueshme të shmanget përdorimi i alkoolit gjatë trajtimit me RHINOSTOP tableta.

Përpara se të përdorni RHINOSTOP tableta, këshillohuni me mjekun tuaj nëse keni ndonjë nga sëmundjet e mëposhtme:

• Dëmtim të funksionit të mëlçisë dhe dëmtim mesatar në të rëndë të funksionit të veshkave;
• Bllokim të kanalit të tëmthit dhe të qafës së fshikëzës së urinës;
• Ngushtim në sistemin tretës (bllokim piloroduodenal);
• Ulçer në stomak ose duodenale me stenozë;
• Prostatë të zmadhuar;

Nëse jeni duke marrë barna që ulin presionin e gjakut, ju duhet të këshilloheni me mjekun tuaj.

Nëse papritur keni temperaturë të lartë me skuqje të lëkurës të përhapur gjerësisht dhe me puçrra të vogla me pus, ndërprisni menjëherë përdorimin e këtij bari dhe flisni me mjekun tuaj (shiko pikën 4).

Nëse nuk filloni të ndjeheni më mirë (ethet zgjasin më shumë se 3 ditë, dhembja dhe bllokimi i hundëve zgjat më shumë se 7 ditë) duhet të këshilloheni me mjekun tuaj.

Marrja e barnave të tjera njëkohësisht me RHINOSTOP tableta

Kini parasysh se ky informacion mund ti referohet edhe barnave të tjera që ju nuk i merrni më, si edhe atyre që planifikoni ti përdorni në të ardhmen. Tregojini mjekut tuaj nëse po merrni, ose keni marrë kohët e fundit barna të tjera, përfshirë edhe ato që merren pa recetë mjekësore.

Përpara se të përdorni RHINOSTOP tableta njoftoni mjekun nëse jeni duken marrë një nga barnat e mëposhtme:

• antidepresantë (barna për trajtimin e depresionit – inhibitorë të MAO ose antidepresantë triciklik);
• propantelinë (bar antimuskarinik që ngadalëson zbrazjen gastrike);
• antibiotikë (izoniazid, kloramfenikol);
• karbamazepinë, fenitoinë, lamotriginë (barna që përdoren për trajtimin e epilepsisë);
• metoklopramid dhe cisaprid (barna të cilat përshpejtojnë zbrazjen e stomakut);
• dihidroergotaminë (bar për trajtimin e migrenës);
• guanetidinë (bar që përdoret për trajtimin e presionit të lartë të gjakut);
• sulfinpirazon (përdoret për trajtimin e gutës);
• kolestiraminë (bar që përdoret për të ulur nivelin e yndyrnave në gjak);
• imatinib (bar që përdoret në trajtimin e leucemisë);
• varfarinë (dhe barna të tjera që parandalon koagulimin e gjakut);
• barna që përshpejtojnë ritmin e zemrës (simpatomimetikë, hormonet e tiroides etj.) ;
• barbiturate, benodiazepina, barna hipnotike (sedtive), analgjezikë opioidë dhe alkool ;
• neuroleptikë (barna që përdoren për të trajtuar çrregullime psikike) ;
• zidovudinë dhe lopinavir (për trajtimin e infeksionit nga HIV – AIDS).

Përdorimi i ushqimeve dhe pijeve me RHINOSTOP tableta

Mos përdorni alkool gjatë marrjes së RHINOSTOP tableta.

Shtatzënia dhe ushqyerja me gji

Këshillohuni me mjekun ose farmacistin tuaj përpara se të merrni këtë bar.

Shtatzënia

Nuk është vërtuar siguria e përdorimit të RHINOSTOP tableta tek gratë shtatzëna.  Nëse jeni shtatëzënë ose po planifikoni të mbeteni shtatëzënë dhe mendoni se duhet të merrni RHINOSTOP, mos e përdorni atë pa u konsultuar më parë me mjekun tuaj.

Ky bar mund të merret nga gratë shtatzëna vetëm në rastet kur mjeku mendon se është e domosdoshme, pasi ka bër një vlerësim të kujdesshëm të përfitimeve të nënës ndaj rrezikut për fetusin. Përdorimi i këtij bari gjatë shtatzënisë duhet të kufizohet në një kohë sa më të shkurtër që është e mundur.

Ushqyerja me gji

Disa përbërës të këtij bari mund të kalojnë në qumshtin e gjirit dhe mund të shkaktojnë efekte të dëmshme tek fëmija. Nëse jeni duke ushqyer me gji dhe mendoni se duhet të përdorni RHINOSTOP, këshillohuni më parë me mjekun tuaj.

Drejtimi i automjeteve dhe përdorimi i makinerive

∆ Trigonik, një bar me ndikim të mundshëm në aftësitë psiko-fizike (për këtë arsye këshillohet kujdes kur marren barna të tilla gjatë drejtimit të automjeteve ose përdorimit të makinerive).

RHINOSTOP tableta mund të shkaktojë përgjumje dhe të ulë aftësitë psiko-fizike. Nëse kjo ndodh tek ju, mos drejtoni automjete dhe mos përdorni makineri.

Parjalajmërime të tjera

RHINOSTOP  tableta përmban laktozë (lloj sheqeri).

Nëse mjeku juaj ju ka treguar se vuani nga intoleranca prej disa sheqernave, këshillohuni me të përpara se të merrni këtë bar.

Merreni këtë bar në përputhje me këtë fletudhëzues.

Nëse mendoni se ky bar ka një veprim shumë të dobët ose shumë të fortë në organizmin tuaj, ju lutem këshillohuni me mjekun tuaj ose farmacistin.

Mënyra e administrimit

RHINOSTOP tableta merren në rrugë orale (nga goja).

Dozimi

• Të rriturit dhe fëmijët mbi 12 vjeç

1 RHINOSTOP tableta çdo 6 orë.

Mos merrni më shumë se 4 tableta në 24 orë.

• Fëmijët nga 6 deri në 12 vjeç

RHINOSTOP tableta nuk duhet të përdoret tek fëmijët nën 12 vjeç.

Për fëmijët nga 6 deri në 12 vjeç këshillohet përdorimi i RHINOSTOP shurup.

• Pacientët me funksion të dëmtuar të veshkave

Pacientët me fuksion të dëmtuar të veshkava nga të lehtë në të moderuar, këshillohen të zgjasin intervalin kohor ndërmjet dy dozimeve në 8 – 12 orë.

Nëse merrni më shumë RHINOSTOP tableta nga sa duhet

Nëse keni marrë një sasi më të madhe të barit se sa ajo e këshilluar, kontaktoni menjëherë mjekun tuaj ose farmacistin.

Në rast mbidozimi, kontaktoni menjëherë mjekun tuaj ose kërkoni urgjent ndihmë mjeksore edhe nëse ndjeheni mirë dhe nuk keni ndonjë simptomë të qartë të mbidozimit, sepse ka rrezik për dëmtime të rënda të mëvonshme të mëlçisë.

Merreni me vete paketimin e barit, në mënyrë që mjeku të informohet se cilin bar keni përdorur.

Simptomat e mbidozimit me këtë bar mund të manifestohen në formën e irritimit, konfuzionit, ankthit, të përzjerave, të vjellave, dhimbjes në stomak, përgjumjes, haluçinacioneve, zgjerimit të bebes së syrit, presionit të lartë të gjakut, ritmit të lartë të zemrës, temperaturës së lartë, tharjes së gojës dhe skuqjes së fytyrës.

Nëse keni harruar të merrni RHINOSTOP tableta

Nëse keni harruar të merrni barin mos merrni një dozë të dyfishtë, por vazhdoni të merrni barin sipas skemës së zakonshme të dozimit.

Asnjëherë mos merrni në dozë dyfishe të barit për të zëvendësuar dozën të cilën keni harruar ta merrni.

Nëse ndërprisni marrjen e RHINOSTOP tableta

Merreni barin për aq kohë sa ju ka këshilluar mjeku juaj.

Nuk ka përkujdesje të veçanta.

Nëse keni pyetje të mëtejshme lidhur me përdorimin e RHINOSTOP tablet, pyesni mjekun tuaj ose farmacistin.

Si edhe barnat e tjera,RHINOSTOP tableat mund të shkaktojë efekte anësore dhe pse nuk mund të shfaqen tek të gjithë.

Shpeshtësia e efekteve anësore përcaktohet si më poshtë:

Shumë të zakonshme (shfaqen në më shumë se 1 në 10 pacientë të trajtuar);

Të zakonshme (shfaqen në 1 deri në 100 pacientë të trajtuar);

Jo të zakonshme (shfaqen në 1 deri në 1000 pacientë të trajtuar);

Të rralla (shfaqen në 1 deri në 10 000 pacientë të trajtuar);

Shumë të rralla (shfaqen në më pak se 1 deri në 10 000 pacientë të trajtuar);

Frekuencë e panjohur (nuk mund të vlerësohet me të dhënat në dispozicion).

Ndërprisni marrjen e RHINOSTOP tableta dhe mënjëherë kërkoni ndihmë mjeksore – nëse vini re rash në lëkurë ose nëse ndjeni vështirësi në frymëmarrje, enjtje të fytyrës, buzëve, gjuhës ose fytit (reaksione të rënda alergjike);

– nëse papritur temperatura e trupit tuaj rritet dhe keni një skuqje të lëkurës të shpërhapur me puçrra të vogla me pus, sepse këto mund të jenë shenja të Exanthematous pustulosis të gjeneralizuar dhe akut- AGEP (shiko pikën 2).

Efektet e padëshirueshme në vazhdim të barit janë raportuar si pasojë e pranisë së Paracetamolit:

Çrregullime gastrointestinale

Të zakonshme: konstipacion, të përziera, të vjella.

Çrregullime të gjakut dhe sistemit limfatik

Të rralla: ulje e numrit të pllakëzave (trombocitopeni), ulje e numrit të qelizave të bardha të gjakut (leukopeni, neutropeni).

Çrregullime të sistemit respirator torakal dhe mediastinal

Të zakonshme: vështirësi në frymëmarrje

Të panjohura: pneumoni

Çrregullime hepatike dhe biliare

Të panjohura: insuficencë hepatike (kur përdoret në doza të mëdha).

Çrregullime të sistemit nervor

Të zakonshme: dhimbje koke, pagjumësi

Çrregullime psikiatrike

Të zakonshme: irritim

Çrregullime të indit të lëkurës dhe subkutan

Të zakonshme: kruarje

Raste shumë të rralla të reaksioneve të rënda të lëkurës janë raportuar (Exanthematous pustulosis i gjeneralizuar dhe akut, sindroma Stevens-Johnson, nekrolizë epidermale toksike).

Çrregullime të sistemit imunitar

Të rralla: anafilaksi (reaksion i rëndë alergjik)

Efektet e padëshirueshme në vazhdim të barit janë raportuar si pasojë e pranisë së Hidroklorurit të pseudoefedrinës:

Çrregullime gastrointestinale

Të zakonshme: të përziera, të vjella

Çrregullime kardiake dhe vaskulare

Të zakonshme: presion i lartë i gjakut, palpitacion.

Të panjohur: fibrilacion atrial (çrregullim i ritmit të zemrës), infarkt i miokardit, rrahje ventrikulare premature.

Çrregullime psikiatrike

Të zakonshme: ankth, nervozizëm, irritim

Të rralla: halucinacione

Efektet e pseudoefedrinës në sistemin nervor qendror janë më të zakonshme tek fëmijët dhe të moshuarit.

Çrregullime të sistemit nervor

Të zakonshme: dhembje koke, pagjumësi

Çrregullime të indit të lëkurës dhe subkutan

Të rralla: rash, rritje e djersitjes

Të panjohura: reaksione të rënda të lëkurës duke përfshirë Exanthematous pustulosis (AGEP)

Çrregullime të sistemit renal dhe urinar

Shumë të rralla: vështirësi në urinim

Çrregullime të syrit

Shumë të rralla: glaukoma (rritje e presionit intraokular)

Çrregullime të sistemit imunitar

Të panjohura: rekasione mbindjeshmërie

Efektet e padëshirueshme në vazhdim të barit janë raportuar si pasojë e pranisë së Maleatit të klorfenaminës:

Çrregullime gastrointestinale

Të zakonshme: konstipacion, diarre, të përziera, të vjella, tharje e gojës.

Çrregullime të sistemi nervor:

Të zakonshme: tinit, përgjumje, dhembje koke, aktivitet psikomotor i zvogëluar.

Të rralla: çrregullime të gjumit, dridhje, ngërçe, efekte ekstrapiramidale.

Çrregullime psikiatrike

Të rralla: konfuzion, depression.

Çrregullime të syrit

Të zakonshme: shikim i turbullt

Të rralla: glaukoma (rrije e presionit intraokular)

Çrregullime të sistemit renal dhe urinar

Të zakonshme: vështirësi në urinim

Çrregullime kardiake dhe vaskulare

Të rralla: presion i ulët i gjakut, palpitacione, ritëm i çrregullt i zemrës.

Çrregullime të gjakut dhe sistemit limfatik

Të rralla: çrregullime të gjakut

Çrregullime hepatike dhe biliare

Të rralla: insuficencë hepatike

Çrregullime të sistemit imunitar

Të rralla: reaksione mbindjeshëmrie (përfshirë bronkospazma, angioedema, anafilaksi, radh dhe reaksione fotosensitiviteti

Çrregullime të indit të lëkurës dhe subkutan

Të panjohura: dermatit eksfoliativ (skuqje e lëkurës dhe plasaritje).

Raportimi i efekteve anësore

Nëse ju shfaqen efekte anësore, flisni me mjekun tuaj ose farmacistin. Kjo përfshin çdo efekt të mundshëm anësor dhe ato që nuk janë të listuar në këtë fletëudhëzues.

Ruajeni RHINOSTOP tableta në vende të paarritshme dhe të padukshme nga fëmijët.

Mos e ruani në temperaturë mbi 25°C.

Afati i skadencës: 60 muaj.

Mos e përdorni RHINOSTOP tableta pas afatit të skadencës të shënuar në paketim.

Çfarë përmban RHINOSTOP tableta

Çdo RHINOSTOP tabletë përmban:

Paracetamol                                   251.0 mg

Hidroklorur Pseudoefedrine            61.2 mg

Maleat Klorfenamine                       2.54 mg

RHINOSTOP tableta përmban lëndët ndihmëse: Laktozë, amidon misri, Celulozë Mikrokristaline PH 101, Hidroksipropil Celuloze dhe Stearat Magnezi.

Si duket RHINOSTOP tableta dhe përmbajtja e paketimit

RHINOSTOP tableta janë të bardha, me formë të rrumbullakët, me sipërfaqe të sheshta dhe me emrin “RHINOSTOP” të shtypur në njërën anë.

RHINOSTOP tableta janë të paketuara në kuti që përmbajnë 10 tableta (1 blister me 10 tableta), 20 tableta (dy blistera me 10 tableta).

Mbajtësi i autorizimit për tregëtim

Bosnalijek, Pharmaceutical and Chemical Industry, Joint Stock Company, Sarajevo, Jukiceva 53, Bosnjë dhe Hercegovinë

Prodhuesi

Bosnalijek, Pharmaceutical and Chemical Industry, Joint Stock Company, Sarajevo, Jukiceva 53, Bosnjë dhe Hercegovinë

Nevoja për recetë mjekësore

Ky bar mund të merret në farmaci pa recetë mjekësore.

Data e rishikimit të fletëudhëzuesit

Tetor 2019